Tíðindi

NUMO fær nýggjan stjóra

Umframt grannskoðan, veitir NUMO ráð um roknskap, bókhald, sølu, keyp og umskipan av virkjum og eisini ráð um skattaviðurskifti.

Suni Schwartz Jacobsen er statsautoriseraður grannskoðari og var stjóri á Spekt frá 1996 til 2006, tá hann bleiv stjóri í Føroya Banka. Í 2011 bleiv hann stjóri í Eik, har hann var til í fjørheyst. Síðani hevur hann verið í starvi hjá J.& K. Petersen.

Við Súna Schwartz Jacobsen fer NUMO nú at hava tveir statsautoriseraðar grannskoðarar og tríggjar skrásettar. NUMO hevur deildir í Havn, Klaksvík og í Vági.

Súni Schwartz Jacobsen tekur við sum annar av tveimum stjórum í NUMO 1. september.

Vit vilja ynskja Súna hjartaliga vælkomnan til NUMO.

 

Lærlingur / grannskoðari hjá NUMO?

NUMO er eitt virki í framgongd, og okkum tørvar tí evnarík ung fólk við áræði. 

Um tú hevur áhuga fyri fíggjar- og samfelagsviðurskiftum, hevur áhuga fyri vinnulívi og vinnuligum viðurskiftum, og vilt vita hvussu tingini hanga saman, so er ein útbúgving sum grannskoðari viðkomandi fyri teg. Vit kunnu bjóða tær eina verkliga og ástøðiliga útbúgving á høgum støði.

Um NUMO
NUMO er eitt grannskoðara- og ráðgevingarfelag, sum varð stovnað í 2013. Umframt at gera lógarbunda grannskoðan, veita vit ráð á ymsum økjum, t.d. viðvíkjandi roknskapi, bókhaldi, stovnan av virkjum, sølu/keyp/umskipan av virkjum, skattaviðurskiftum v.m.

Málið hjá NUMO er at vera í fremstu røð, tá talan er um trygga og dygga grannskoðan og ráðgeving. NUMO leggur seg eftir at vera mannað við starvsfólki, ið hava hægstu ástøðiligu útbúgvingina og røttu førleikarnar.

NUMO hevur kjarnuvirðini trygd og dygd, og verður arbeiðið útinnt við tí neyvleika og skjótleika, sum arbeiðið krevur. NUMO vil vera kent fyri at gera tað rætta.

Krøv til tín
Starvsfólk hjá NUMO skulu vera ábyrgdarfull og álítandi, og hava rættan hugburð. Ástøðilig útbúgving og starvsvenjing krevur, at tú sjálv/sjálvur tekur eitt stórt tak. Hevur tú viljan og evnini til at gjøgnumføra eina útbúgving hjá okkum, gevur tað nógvar møguleikar í framtíðini.

Vit vænta, at tú hevur tikið students-, HF- ella HH-prógv nýliga, og at tú ert áhugað/áhugaður í eini búskaparligari útbúgving. Eisini ert tú vælkomin at søkja um tú verður liðug/liðugur við hesa útbúgving í summar.

NUMO kann bjóða
Lærutíðin er trý ár. Vit bjóða tær eitt spennandi lærupláss, har tú í fyrstu atløgu kanst lesa HD, samstundis sum tú vinnur pening. Aftaná HD kanst tú lesa cand. merc. aud. sum sjálvlesandi, samstundis sum tú arbeiðir hjá NUMO. Eftir cand. merc. aud. er møguleiki at gerast statsautoriseraður og løggildur grannskoðari.

NUMO hevur skrivstovur í Tórshavn, Klaksvík og Vági. Lærlingurin verður knýttur at skrivstovuni í Tórshavn, men roknast kann tó eisini við arbeiði á hinum deildinum í styttri tíðarskeið.

Umsókn
Starvið verður sett eftir summarfrítíðina (umleið 15. august 2018). Setanartilgongdin byrjar juni/juli.

Lærutíðin byrjar 1. oktober 2018.

Nærri upplýsingar fáast við at venda sær til Bjarna Arnason á tlf. 551300 ella Símun Absalonsen átlf. 551357. Fleiri upplýsingar eru eisini á okkara heimasíðu:www.numo.fo.

Skrivlig umsókn við prógvum og øðrum upplýsingum skal sendast til numo@numo.fo ella NUMO, Undir Bryggjubakka 13, Postboks 1165, FO-110 Tórshavn. Umsóknin skal vera okkum í hendi í seinasta lagi 29. juni 2018.

 

NUMO hevur broytt navn til
Sp/f NUMO, góðkent grannskoðanarvirki

Felagið ger hervið brúk av møguleikanum í nýggju grannskoðaralógini og loyvir skrásettum grannskoðarum í felagnum at undirskriva roknskapir, har sum løggild grannskoðan ikki er kravd í lóggávu ella viðtøkum.

NUMO hevur fleiri kundar, har viðtøkur ella lóggáva krevur løggilda grannskoðan. Henda grannskoðan verður sjálvandi útint við løggildari grannskoðan.

Góðkent grannskoðanarvirki er annars ikki ókent í teimum londum vit samanbera okkum við. Hetta verður helst eisini framtíðarheiti fyri grannskoðanarvirkir. Triðstørsta grannskoðanarvirki í Danmark Ernst & Young, sum hevur umleið 1.000 starvsfólk, hevur í mong ár verið góðkent grannskoðanarvirki. Ernst & Young grannskoðar fleiri fíggjarstovnar í Danmark umframt fleiri aðrar sonevndar PIE kundar.

 

Árs- og skattaroknskapir sum XBRL-fílur

Skráseting Føroya og TAKS hava boðað frá, at frá 1. januar 2017 skulu ársroknskapir og skattaroknskapir latast inn sum sonevndar XBRL-fílur. Umframt hetta skulu roknskapirnir eisini latast inn í PDF-sniði.

Fyri at kunna lata inn eina XBRL-fílu er neyðugt, at tær fíggjarligu uplýsingarnar verða settar upp eftir einum føstum leisti, gjørdur við eini serligari telduskipan.

NUMO hevur eina sera framkomna telduskipan, ið dagliga verður víðariment, og sum eisini kann gera tær sonevndu XBRL-fílurnar.

Um tær tørvar hjálp, ella hevur spurningar viðvíkjandi XBRL-roknskapunum, ert tú vælkomin at seta teg í samband við okkum.

 

Nebula - Íverksetanarráðstevnan

 

Aftur í ár luttekur NUMO við bási á árligu Nebula íverksetanarráðstevnuna. Hesuferð er NUMO eisini høvuðssponsor á degnum, sum bjóðar íverksetarum íblástur, ráðgeving og netverk til leiðina frá hugskoti til veruleika.

NUMO følir seg heima á íverksetanarráðstevnuni, av tí at løggilda grannskoðanarvirkið eisini er nýliga startað íverksetarafyritøka.

"Vit hava arbeitt nógv við íverksetarum sum júst eru farnir í holt við nýtt virksemi, og hava vegna okkara egnu royndir eitt serstakt innlit í júst tær avbjóðingar sum íverksetarar standa yvir fyri. Tí halda vit, at tað hevur stóran týdning at luttaka á íverksetanarráðstevnuni og vera við til at stimbra tað føroyska umhvørvið," sigur Bjarni Arnason, stjóri á NUMO.

Umframt básarnar á degnum hevur Nebula eina røð av innsløgum á pallinum. Ólavur Ellefsen, stovnari av Simprentis, fortelur um leiðina frá start til exit. Eisini koma Oddur Friang Rasmussen og Pól Andrias Larsen at saman fortelja um sínar royndir við at gerast íverksetarar meðan teir eru lesandi, sum hevur við sær unikkar avbjóðingar og møguleikar.

Øll eru vælkomin á degnum, sum verður hildin í Reinsarínum klokkan 13 nú leygardagin tann 15. august. Tiltakið er ókeypis, og tilmelding er á heimasíðuni nebula.fo ella við dyrnar.

Hølir til leigu

Hølið er í miðbýnum í Havn og er 230 fermetrar til støddar í trimum hæddum.

Eru nýtímansgjørd í 2006. Vælegnað til tænastuvinnu, handil, skrivstovu og avgreiðslu.

Nærri upplýsingar fáast við at venda sær til Bjarna Arnason, ba@numo.fo, tel: 55 13 00

 

Grannskoðaraeftirlit

Í galdandi grannskoðaralóg er ásett, at øll góðkend grannskoðaravirki í landinum skulu hava óheft góðskueftirlit. Hetta er ásett, fyri at Føroyar skulu liva upp til altjóða krøv á grannskoðaraøkinum. Fyrstu eftirlitini vórðu framd í Føroyum í 2011 av donskum eftirlitsfólkum. Talan var tá um sonevnd tænastueftirlit. Við tíðini er ætlanin, at øll góðkend grannskoðaravirki skulu hava fult eftirlit.

Í Føroyum eru í dag umleið 10 góðkend grannskoðaravirki, herav 3 løggild og 7 skrásett.

Í september 2014 fekk NUMO, løggilt grannskoðanarvirki, sum fyrsta og higartil einasta løggilda grannskoðaravirki í landinum fult vanligt eftirlit.

Eftirlitið gav ikki orsøk til uppfylgjandi eftirlit. Hetta eru vit frá NUMO sjálvandi væl nøgd við.

Næsta vanliga eftirlit verður í seinasta lagi í 2017.

 

Steypafinalan

 

Steypafinalan hjá dreingjum 10 ár var í millum H71 b og Team Klaksvík. Finaluna vann Team Klaksvík. Vit frá NUMO ynskja bæði H71 b og Team Klaksvík til lukku við ávikavist 2. plássi og 1. plássi.  

  

NUMO løggilt grannskoðanarvirki, letur deild upp í Vági

 

NUMO, løggilt grannskoðanarvirki, letur deild upp í Vági. Tilknýtið og góða undirtøkan í Suðuroynni er grundarlagið undir nýggju deildini. Les meira  

  

NUMO løggilt grannskoðanarvirki – Numero og A&M leggja saman

Grannskoðanarvirkini Numero í Klaksvík og A&M í Tórshavn leggja saman. Nýggja navnið er NUMO løggilt grannskoðanarvirki, við skrivstovum í Klaksvík og í Vágsbotni í Tórshavn. Les meira  

Sjálvuppgávan 2013

Sjálvuppgávan fyri persónar og feløg skal latast inn ávikavist tann 1. mai og 1. juli 2014. Les meira

 

Felagskapitalur

Kravdur felagskapitalur er minkaður úr kr. 125.000 niður í kr. 80.000 1. januar 2012.  Les meira

 

 

Samband

Sp/f NUMO,             
góðkent grannskoðanarvirki 
numo@numo.fo |www.numo.fo

Klaksvík
Vágstún 2
Postsmoga 144
710 Klaksvík
Tel. 20 13 13

Tórshavn
Postsmoga 1165 
undir Bryggjubakka 13 
FO-110 Tórshavn 
Tel. 20 13 13 

Starvsfólk

 

Tænastur

Vit veita tænastur innan m.a.:
  • Grannskoðan
  • Roknskap
  • Bókhald
  • Skattur, MVG
  • Sjálvuppgávur
  • Keyp og søla av fyritøkum
  • Ráðgeving
  • v.m.
Les meira

Frágreiðing um gjøgnumskygni